पायवाट:-(5)



लहान पणी मळलेल्या पायवाटेने  अनवाणी चालण्यात ही मजा यायची, आपण मोठे होत गेलेा अन  मजेची जागा status ने घेतली. अनवाणी चालणं लज्जास्पद वाटू लागलं. पायवाटा ऐवजी चारचाकी गाडी, डांबरी रस्ते गरजेचे वाटू लागले, हे बदल जीवनावश्यक झाले. प्रत्येक जण स्पर्धेमध्ये धावू लागले. कोलाहलामध्ये एकमेकांचे आवाजही ओळखू येत नव्हते. मग त्याचे अर्थ काय समजणार,!आणि अचानक वेगवान गाडीला करकचून ब्रेक लागावा तसा लाँकडावून सुरू झाला. लोक खडबडून जागे झाले . क्षणात जीवनाचा अर्थ कळला ,, काा धावत होतो? ह्याचा अर्थ लावू लागले आराम आणि थोडी विश्रांती आवश्यक आहे .समजून मुबंई चा माणूस थोडा थांबला, लाँकडावून वाढत गेला चिंता वाढू लागली . लाँकडावून मध्ये अडकलेली माणसे भेटतील की नाही ह्याची काळजी वाटू लागली.  ATM पूढील रांगा वाढू लागल्या ह्या सर्वात एक वर्ग मोडत नव्हता...... 
मजूर वर्ग,! दिवसाला पैसे कमवून संध्याकाळ ची भ्रांत मिटवणारा ,श्रम करून वर आकाश आणि उशाला दगड अशा अवस्थेत शांत झोप घेणारा... 
मालकांनी, ठेकेदाराला सांगून काम थांबवलय .काम नाही तर मालकाकडून उदारी नाही, उदारी नाही, मजूरी नाही, अन जेवणही नाही .सरकारची मदत कुणाच्या घशात ह्याची ना त्यांना जाणीव ना सामान्यांना! 
 गावाकडील वाट धरायला ना तिकीटाला पैसे ना विचार कळायला वेळ. वाट पाहून,परतीची वाट धरली. अनवाणी,! पायाला चटके, पाेटात भूकेचे डोंब, खड्डे,! मजल दरमजल करून गावाला जावून काय करणार ? तिथेच ,रोजगार नव्हता, म्हणून मुंबई ची वाट धरलेली,....
       पावसाळा जवळ आला ,आणि त्यांच्यासाठी एक आशेचा किरण घेवून  आला. कच्चे रस्ते पक्के करण्यासाठी, रस्त्याचे डांबरीकरण करण्यासाठी, खड्डे बुजवण्यासाठी, रस्त्यावर बुलडोजर, मजूर दिसू लागले त्यांच्यासाठी कोरोना आणि बेरोजगारी दोन्ही सारखेच, दोन्ही कडून मृत्युच्! त्यांनी बांधलेल्या रस्त्यावरून  contractor च्या गाड्या धावणार आहेत. लाँकडावून मध्येही त्यांनी स्कील वापरून, जुगाड करून रस्ता concret करण्याचे contract मिळवले आहे. देवाने इथेही कष्टकरी गरीबांची बाजू न घेता श्रीमंत contractor आणि त्याच्या status ची बाजू घेतली. देवाने ही भ्रष्टाचार केला. लहानपणीचे निरागस पणे पायवाटेने अनवाणी चालणे हे कष्टकचर्याचे तळपायाला चटके घेवून चालणे झाले. त्यांच्या निरागस लहान मुलात अनवाणी चालण्याची मज्जा नव्हती, तर जीवनाचे विदारक सत्य आणि तळपत्या उन्हाचे चटके होते. 
समाप्त. 
Varsha patil.©
Uran (navi mumbai) 
9819406813
Bsc. DMLT
12:20am
18/5/20

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

भाग 3 भटकंती: माझ्याच गावचा द्रोणागिरी डोंगर .

ऑगस्ट  म्हणजे  पावसाळी  दिवस, सर्वत्र  हिरवळ  पसरली  होती. दगडांवर चिकट  घसरण  शेवाळ  उगवलेली  होती. सकाळी  10:30 वाजता  आजिबात वारा  नव्हता. प्रचंड  गरम  होत होंत. झाडांच्या सावल्या होत्या,  पण तो  गारवा  शरीराला  जाणवत  नव्हता. चढनीच्या  सुरुवातीलाच हनुमान आणि वेताळाचे मंदिर आहे. मी  तिथे  पाया पडले. तिथे  भगवा झेंडा  फडकत होता,  त्याला अभिवादन  करून पुढे जातच होते. तेवढ्यात एक  माणूस  हातात  काठी, गळ्यात पट्टा घातलेला  कुत्रा बरोबर घेवून खाली आला. कुत्राला  यू  यू  करताच दोघेही थांबले. काहीतरी विचारायचे म्हणुन मी  विचारले. आजुन कोण वरती  आहे का? पण  त्याने वरती  कुणी नाही  नीट  जा  म्हणाले. तो  माणूस  पुढे  निघाला  कुत्रा थोडा घुटमळला,  मालका बरोबर जावे,  की  माझ्या  सोबत यावे,  ह्या  विचारात  होता,  मालकाने  यू  ...
अधिक वाचा

भटकंती माझ्याच गावचा द्रोणागिरी डोंगर

शाळेला सुट्टी पडल्या  की आम्ही  द्रोणागिरी डोंगरावर दररोज जात आसू, आणि इतर वेळा शनिवार रविवार जात आसू,  पावसाळ्यात  गावातील आम्ही सर्व मुले भाजी खुड़ायला, जात आसू, नुकताच पाउस पडून गेल्यावर झालेली ओलसर भुसभुशीत जमीन,  सुंदर हवाहवासा वाटणारा मातीचा गंध,  पाण्याचे ओहळ, आणि  एक  निसर्गाची  निरागस मनाला लागलेली ओढ.  हा  एक  ऋणानुबंध होता  त्या  नकळत्या  वयात  द्रोणागिरी डोंगराशी. सुट्टीत आई वडिलांचा हाथ धरून आम्ही डोंगरावर जाताना एक  विश्वास असायचा,  त्यांनी सांगितलेल्या शिवरायांच्या कथेने छोट्या पावलांना तो डोंगर चढताना स्फुरण येत आसे.  दररोज जाण्यामागे आमची द्रोणागिरी च्या पायथ्याशी वडिलोपार्जित शेतजमीन होती. भला मोठा धबधबा आमच्या शेताच्या बाजूने डोंगरावरून कोसळत आमच्या गावातून जात होता. आम्ही त्याला वीरा म्हणत आसू. त्याच रूप तर अवाढव्य होत, पण तो वाहताना, कड्याकपारीतील झाड  पान , दगड,धोंडे, गुरे ढोरे,  माणसे सुद्धा, घेवून  वाहत असायचा, आणि गावातील लोक माणुसकी म्हणुन ते एकत्र जमून...
अधिक वाचा

भटकंती,माझ्याच गावचा द्रोणागिरी डोंगर .भाग 4

त्या माणसाला पाहूनच मला काठी उचलायची ईच्छा झाली होती. पूढे चालू....           पावसाळा असल्यामुळे रानटी फळे फुले भाज्या  उगवल्या होत्या.सुर्य जसा माथायावर येत होता तस तशी सर्व किरणे झाडातून डोकावत होती आणि आक्रामक साडे आकरालाच अंगाची लाही लाही होत होती पावसाळा आणि संपूर्ण  डोंगर हिरवागार असूनही वारा वाहत नव्हता. अंग भाजून निघत होतं,मी पाणी विसरलेली होती, .अंगात कोट नव्हता ,मला तहान लागली होती,मी पाण्याने व्याकूळ झाली होती.एकटी असतानाही मला घरी परतून जावेसे वाटत नव्हते.चढण्याची जिद्द चिकाटी तशीच होती.शिवसैनिकांचे आभार मानायला हवेत कारण त्यांनी लाकडी भरीव ओडकें चा छान  वापर करून पायऱ्यां तयार केलेल्या आहेत. एकटीच चढण चढत 2वाजता डोंगर चढले.आणखी दोन शार्टकट आहेत तिथून चढताना कमी वेळात चढता येते मी एकटीच होते, तेव्हा थोडी थांबत आणि पायऱ्यांवर चढले.समोरच 5-6कुत्रे माझ्या स्वागता साठी होते.ते मला पाहून भुंकले नाहीत किंवा अंगावर देखील आले नाहीत.समोरच दोन  पत्र्यांची घरे  बांधलेली होती.खाली उतरणार्या माणसाने वरती कुणी नाही सांगितले ,त्यामुळे तिथे ...
अधिक वाचा